Hegge passa altså i opning og høyrde opning til venstre, men dei neste meldingane hans var 4 og 6 grand! Han innrømmer at den siste av dei var temmeleg hard. Men då Kippe kjempa med 5 grand, synte han at han måtte ha noko ekstra, til dømes ein åttande kløver. Hegge vona difor at ressursane hans skulle vera gode nok, og han skulle få rett!
I utgangspunktet er det berre elleve stikk, men med ruter konge ut, brukte ikkje Hegge lang tid på å sjå den vinnande varianten: Vest er nesten markert med spar konge, for motparten rår ikkje over så mange honnørpoeng, og aust har nok eit eller anna i hjarter, då vest fort ville ha spela hjarter ut om han hadde hatt konge, dame, knekt der.
Utspelet må sjølvsagt stikkast, kløverstikka innkasserast, og så vil vest etter kvart koma under press: Han kan ikkje unngå ein innspelsskvis, der han anten må blanke spar konge og sjå denne felt under esset, eller kaste seg ned til singel ruter dame for å halde dobbel spar, og så bli sluttspela i ruter etter at sør har drege hjarter til esset.
Aktuelt kasta motspelarane litt rufsete, så det enda med at Hegge kunne innkassere heile tretten stikk. Dette var vel å merkje berre nesttoppen: Juniorane Joakim Sæther–Carl-Otto Curran vart dobla i 6 grand, og vann han.
Merk forresten at korkje 6 kløver eller 6 grand står i nord. Sparutspel gjennom dame, ti øydelegg moglegheita for innspelsskvis.
E 5
8 5
4
E K D kn 5 4 3 2
