Ei ubrukeleg hand?

Det er lett å miste humøret når kortgudane har gjeve ein ei dårleg hand. Men det gjeld å vera på alerten likevel; plutseleg får den veikaste handa den viktigaste rolla. I vekas spel, også dette innrapportert av Halldor Barikmo, var det nettopp såleis. Spelet førekom under ein klubbkveld i Berkåk BK i Trøndelag.   Ta plass i aust.   K D 9 4 6 3 2 E K kn 10 4 3   kn 8 6 5 3 kn 7 10 5 kn 8 7 2 Sør opnar 1 ruter, og makkeren din melder inn 1 hjarter. Nord doblar for å syne minst fire spar, og sør seier 2 kløver, som er naturleg og normalt syner maks to spar. Vest prøver seg med 2 hjarter, men nord har visst godkort og spør etter hjarterhald med 3 hjarter. Sør seier no 3 spar, som kan tyde på dobbel spar og noko ræl i hjarter, før nord avsluttar meldingsforlaupet med 5 ruter.   Makkeren din spelar ut hjarter konge, som bed om fordeling frå deg, og fylgjer opp med hjarter ess. I desse stikka legg sør tiaren og niaren. Så kjem hjarter dame. Kva kastar du?   Aktuelt saka aust ein spar, og like etter var spelet over.    K D 9 4 6 3 2 E K kn 10 4 3   7 2 E K D 8 5 3 D 6 4 D 5 kn 8 6 5 3 kn 7 10 5 kn 8 7 2   E 10 10 9 9 8 7 3 2 E K 9 4     Vest Nord Øst Syd 1 ru 1 hj dbl1) pass 2 kl2) 2 hj 3 hj3) pass 3 sp pass 5 ru pass pass pass 1) Minst fire spar 2) Maks dobbel spar 3) Spørsmål om hjarterhald Sør tok ruterfinessen, og hadde deretter ein temmeleg opplagt skvis mot aust i dei svarte fargane, for heimgang i soneutgangen.   Spørsmålet om kva du kastar på hjarter dame, var naturlegvis eit lurespørsmål. For du skal ikkje «kaste» i tydinga kvitte deg med eit småkort i ein sidefarge, du skal stela med ruter ti. Dette kortet kan umogleg vera noko å spara på, og aktuelt får du ei rask beit idet sør ikkje kan stela over.   Kva med vest, kunne han gjort noko for å avverja fadesen? Vel, er ein plaga med ein såpass døsig makker som denne vestspelaren openbert hadde, kan det vera ein god idé å leggje ned litt ekstra innsats for å vekkje nemnde makker. Vest ser jo òg at aust absolutt må bruke ruter ti om han har henne, så han bør spela ein liten hjarter i tridje stikk. Når aust etter meldingane veit at sør ikkje kan ha fleire hjarter, er denne utviklinga såpass iaugefallande at det bør gå an å skjøna kva som skjer. Av Erlend Skjetne