Eit av Siv Thoresens særtrekk som bridgespelar er ifylgje makker Aksel Hornslien at ho opnar 1 grand på «alt». Det er utvilsamt ein interessant strategi å prøve ein del grandopningar på fordelingar som ikkje er heilt standard, både fordi 1 grand sperrar godt og set formidabelt press på motparten, og fordi motspelet kan bli vanskeleg etterpå.
Men i vekas spel, som skriv seg frå partevlinga i Rondane-cupen på Otta, vart Thoresens våpen brukt imot ho sjølv. Ville du ha vurdert å opna 1 grand på dette, i andre hand gunstig sone?
Det gjorde Villiam Ovesen frå Vardø, busett i Trondheim. Handa er naturlegvis svært spennande, og det same kan seiast om valet av opning! Aktuelt vart det gull.
| ![](/spill/images/icons_small/icon_1.gif) E 10 7 6 5 4 ![](/spill/images/icons_small/icon_2.gif) kn 8 7 ![](/spill/images/icons_small/icon_3.gif) 6 ![](/spill/images/icons_small/icon_4.gif) K 8 5 | | ![](/spill/images/icons_small/icon_1.gif) K 8 3 ![](/spill/images/icons_small/icon_2.gif) E D 6 3 2 ![](/spill/images/icons_small/icon_3.gif) 9 7 2 ![](/spill/images/icons_small/icon_4.gif) E kn | ![](/spill/images/symbols_small/symbol8.gif) | ![](/spill/images/icons_small/icon_1.gif) kn ![](/spill/images/icons_small/icon_2.gif) 5 4 ![](/spill/images/icons_small/icon_3.gif) kn 10 4 ![](/spill/images/icons_small/icon_4.gif) D 10 9 7 6 4 2 | | ![](/spill/images/icons_small/icon_1.gif) D 9 2 ![](/spill/images/icons_small/icon_2.gif) K 10 9 ![](/spill/images/icons_small/icon_3.gif) E K D 8 5 3 ![](/spill/images/icons_small/icon_4.gif) 3 | |
| Vest | Nord | Øst | Syd | Thoresen | O. A. Hatten | Hornslien | Ovesen | | | pass | 1 gr | 2 hj | 4 ru1) | pass | 4 sp | pass | pass | pass | |
1) Overføring til spar
Thoresen fann ikkje på noko betre utspel enn ruter ni, som Hornslien fylgde med firaren på – kva no det skal tyde; kanskje bør det vera ein slags Lavinthal.
Sparen kan i teorien løysast utan tapar, men det er viktig å ikkje sleppe inn aust, så Ovesen spela spar til esset og spar til dama og kongen.
No må Thoresen greie å ta for båe essa sine, skal ho halde kontrakten på ti stikk. Då ho inkjeanande fridde seg i ruter, vart det heile 450 til bokføring – ein delt topp i det 48 par store feltet.
Spelet var sjølvsagt allereie vunne idet Ovesen opna 1 grand. Opnar han 1 ruter, er det fare for at sparkontrakten hamnar i nord (å bruke dobling som minst fire spar etter vests hjarterinnmelding, kan riktig nok redde dagen). Med hjarter ut frå aust er ni stikk grensa.
Av Erlend Skjetne
|