Vest Nord Aust Sør
B. Brogeland A. Levin C. Bakke J. Roll
1 kl 3 kl 1) pass 3 ru
pass pass dbl2) pass
pass pass
1) Ruter og spar, minst 5–5
2) Opplysande
Dette er frå Noregs oppgjer mot Israel i grunnspelet i Bermuda Bowl. Noreg tapte kampen, men Boye Brogeland kunne i det minste gå frå bordet med eit godt siste spel på lista – «ein sukkerbit i botn», som Aksel Hornslien seier.
Du har altså opna litt tynt. Du kan gå ut ifrå at makkeren din neppe har ei fantastisk hand då han valde å passe på 3 kløver for så å doble opp i utdøyande posisjon, men du hadde vel ikkje noko særleg anna å gjera med denne doblinga enn å jekke. Kva spelar du ut?
Makker har jo synt hjarter ved å doble, så eg trur mange ville ha valt den fargen, sidan dei andre verkar farlegare. Men ein bør ha i minne at bordet altså har minst ti spisse kort, og faren er heilt klårt til stades for at stikka våre i kortfargane i bordet kan forsvinne om vi vel feil i utspel.
Brogeland ville sjå an situasjonen, og sørva spar ess. Det var blink, då heile spelet såg slik ut:
| ![](/spill/images/icons_small/icon_1.gif) D 10 9 6 4 ![](/spill/images/icons_small/icon_2.gif) 5 ![](/spill/images/icons_small/icon_3.gif) E K 7 3 2 ![](/spill/images/icons_small/icon_4.gif) 6 2 | |
![](/spill/images/icons_small/icon_1.gif) E 3 2 ![](/spill/images/icons_small/icon_2.gif) 8 4 2 ![](/spill/images/icons_small/icon_3.gif) D 10 9 4 ![](/spill/images/icons_small/icon_4.gif) E kn 10 | ![](/spill/images/symbols_small/symbol16.gif) | ![](/spill/images/icons_small/icon_1.gif) K 7 5 ![](/spill/images/icons_small/icon_2.gif) kn 10 6 3 ![](/spill/images/icons_small/icon_3.gif) 8 ![](/spill/images/icons_small/icon_4.gif) K D 9 5 3 |
| ![](/spill/images/icons_small/icon_1.gif) kn 8 ![](/spill/images/icons_small/icon_2.gif) E K D 9 7 ![](/spill/images/icons_small/icon_3.gif) kn 6 5 ![](/spill/images/icons_small/icon_4.gif) 8 7 4 | |
No fekk forsvaret henta fire svarte stikk i tillegg til to trumfstikk, for to beiter og 300 inn. Med hjarter ut fyk kløvertaparane frå bordet, og kontrakten står i røyk og damp.
På det andre bordet passa Dror Padon i opning på Brogelands kort, og kontrakten 3 ruter hamna i nord. Kløver ut frå aust var naturleg, så der gjekk kontrakten to raske beit, men dei var altså udobla. 5 IMP til Noreg.
Av Erlend Skjetne